Það getur verið erfitt að koma fiski ofan í börnin en kannski er það bara gömul mýta. Fiskur er nefnilega sælgæti og sé hann rétt matreiddur er hann alveg hreint stórkostlegur. 

Svava Gunnars á Ljúfmeti og lekkerheit er afskaplega hrifin af fiski og segir að krakkarnir hennar elski hann einnig. Þessi uppskrift hafi slegið í gegn og sagði dóttir hennar að þetta væri einn besti fiskréttur sem hún hefði smakkað. 

Ef það er einhver uppskriftaflokkur hér á síðunni sem mig langar að stækka þá eru það fiskréttirnir. Krakkarnir mínir elska fisk og ég líka, samt er ég ódugleg við að prófa nýjar uppskriftir að fiskréttum.