Uppáhaldssmjör-kjúklingur Berglindar 

• 900 g kjúklingur
• 2 hvítlauksrif, pressuð
• 2 cm engifer, rifið
• 1/2 tsk. sjávarsalt
• 1/2 tsk. chili-duft
• 1 1/2 msk. sítrónusafi
• 75 ml Ab-mjólk, t.d. frá Mjólku
• 1/2 tsk Garam Masala-krydd
• 1/2 tsk. turmeric-krydd
• 1 tsk. cumin-krydd (ath. ekki kúmen)
• 1 1/2 msk. smjör
• 250 ml tómatpúrra
• 1/2 msk. sykur
• 1 tsk. salt
• 100 ml rjómi

LEIÐBEININGAR

Skerið kjúklingabringurnar í munnbita og setjið hráefnin fyrir kjúklinginn saman við og blandið vel saman. Leyfið að marinerast í kæli eins lengi og tími vinnst til. Helst yfir nótt.

Hitið olíu í potti og takið kjúklinginn úr marineringunni og setjið á pönnuna. Það þarf ekki að setja alla marineringuna af kjúklingnum út á pönnuna heldur aðallega kjúklinginn.

Steikið í 3-4 mínútur við háan hita.

Lækkið hitann og setjið tómatpúrru, sykur og salt saman við og látið malla í 20-25 mínútur.

Bætið rjómanum saman við og hitið en látið ekki sjóða.

Berið fram með hrísgrjónum og naan.