Matur | mbl | 29.11.2018 | 5:06

Brauðrétturinn sem er að gera allt vitlaust

mbl.is/María Gomez

Þessi brauðréttur mun mögulega brjóta blað í íslenskri brauðréttahefð. Hér eum við að tala um löðrandi ost og alls konar annað góðgæti sem í sameiningu ættu að valda yfirliði.

Það er nefnilega fátt skemmtilegra en nýjar útgáfur af brauðréttum því við skulum bara horfast í augu við staðreyndir: Það er fátt betra en góður brauðréttur.

Það er María Gomez sem á heiðurinn að þessari snilld en matarbloggið hennar er hægt að nálgast HÉR.

mbl.is/María Gomez

Brauðrétturinn sem er að gera allt vitlaust

1 piparostur
1 mexico-ostur
ca. 100 gr. rjómaostur
4-5 dl matreiðslurjómi
1 box af sveppum (250 gr.)
100 gr. pepperoni
1 beikonbréf
2 dósir sýrður rjómi
1/2 fransbrauð, tætt niður
Ananasdós
Rifinn ostur

Aðferð:

Ostarnir og rjóminn eru sett í pott og brædd, sýrða rjómanum síðan hrært saman við.
Rífið brauðið niður og setjið í eldfast mót.
Sveppir og beikon steikt á pönnu og raðað ofan á brauðið.
Ananas skorinn smátt og stráð yfir allt saman.
Pepperoni stráð þar ofan á og ostablöndunni hellt yfir.
Að lokum er rifnum osti stráð yfir allt og gott er að setja ögn af paprikudufti yfir.
Bakað í ofni við 200°C í u.þ.b. 20-30 mínútur eða þar til allt er orðið gullinbrúnt.