Matur | Morgunblaðið | 23.12.2018 | 14:01

Djöflaegg Rauða hanans

Ásdís Ásgeirsdóttir

Þessi réttur er frábær sem forréttur eða meðlæti, passar t.d. mjög vel með jólaskinku eða síld. Hann kemur úr smiðju hins heimsþekkta Marcus Samuelsson sem rekur veitingastaðinn Red Rooster í Harlem.

Djöflaegg Rauða hanans

Fyrir 5 til 10

10 egg
2 bollar majónes
1 msk chilisósa (t.d. sriracha)
cayennepipar á hnífsoddi
smá salt
lauksulta (sjá uppskrift að neðan)
steikt kapers
pikklaður rauðlaukur (sjá uppskrift að neðan)

Aðferð:

Sjóðið eggin í tíu mínútur. Skerið langsum og takið rauðurnar úr og setjið í matvinnsluvél með majónesi, chilisósu, salti og cayennepipar. Hrærið.

Lauksulta

2 laukar, skornir í þunnar sneiðar
1 msk síróp (úr sykri)
1 msk sinnepsfræ
smá salt
smá smjör til steikingar

Eldið laukinn á pönnu í smá smjöri. Þegar þeir byrja að brúnast, bætið þá sinnepsfræjum og sírópi saman við og hrærið áfram.

Pikklaður laukur

1 rauðlaukur
1 bolli hrásykur
1 bolli sérríedik
1 bolli vatn

Aðferð.

Blandið saman ediki, hrásykri og vatni í pott og náið upp suðu. Kælið.

Afhýðið rauðlauk og skerið mjög þunnt og setjið út í volgan edikvökvann og látið liggja í einn til tvo tíma.

Raðið eggjahvítuhelmingum á disk. Setjið smá lauksultu í botninn á hverju eggi. Sprautið eggjarauðumaukinu ofan á laukinn. Steikið kapers á pönnu og stráið yfir. Setjið pikklaða laukinn efst.