Kristrún Frostadóttir, formaður Samfylkingarinnar, fundaði í gær með stallsystur sinni Mette Frederiksen, sem er forsætisráðherra Danmerkur og formaður Jafnaðarflokksins á Fröken Reykjavík. Staðurinn er staðsettur á Hótel Reykjavík Sögu sem opnaði nýlega.  Frederiksen er stödd hérlendis vegna leiðtogafundar Evrópuráðsins. Til þess að gera fund þeirra ennþá eftirminnilegri bauð Kristrún Frederiksen upp á rauðar rósakökur úr súkkulaðimús. 

Rauð rós er alþjóðlegt tákn jafnaðarfólks og hefur lengi verið merki Jafnaðarflokksins í Danmörku en nýlega tók Samfylkingin einnig upp rauða rós sem merki. Það má því segja að valið á veitingum hafi verið þrungið merkingu hjá þessum ungu forystukonum, Kristrúnu og Frederiksen. 

„Sósíaldemókratar mega aldrei festast í því að vera andstöðuflokkar. Mette líst vel á upplegg okkar í Samfylkingunni um að endurheimta traust með því að fara aftur í kjarnann og leggja ofuráherslu á kjör, efnahag og velferð venjulegs fólks. En það útheimtir aga — og Mette gaf mér ýmis góð ráð um það hvernig á að halda sjó með sína stefnu,“ skrifar Kristrún á Facebook-síðu sína. Kristrún eignaðist dóttur í febrúar og er nú komin aftur til starfa full af krafti og orku.

Það fór vel á með þeim á meðan þær borðuðu kökuna.

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Brjóstasnúðarnir mættir aftur

» Fleiri tengdar fréttir

Leiðtogafundur Evrópuráðsins í Hörpu

Leiðtogafundurinn kostaði skildinginn

• Selenskí var „merkilega brattur“
• Full ástæða til að skoða framsal lögregluvalds
• Gera þarf ríkari kröfur til framsals lögregluvalds
• Um 1,4 milljarðar í útgjöld lögreglu

» Fleiri tengdar fréttir

• Blogga um frétt