Það allra nýjasta úr eldhúsinu hjá Ferm Living var kynnt nú á dögunum við tilheyrandi fögnuð, en fyrirtækið er þekkt fyrir að vera með nýjustu strauma og stefnur alveg á hreinu.

Við sögðum ykkur frá Ripple Glass-vörulínunni þeirra sl. sumar og deildum einum svalandi drykk með í leiðinni, sjá hér. Þessi dásamlegu glös og karafla sem hlotið hafa verðlaun fyrir hönnun sína eru nú væntanleg í reyktum lit – frábær viðbót í safnið. Eins eru geggjaðir hitaplattar með brass-áferð á borðunum sem sóma sér einnig vel sem skúlptúr uppi á vegg. Ný munstur og litir í viskastykkjum eru líka væntanleg svo eitthvað sé nefnt.