Morgunmatur flugfreyjunnar

Uppskriftin miðast við 1

• 1/2 bolli grísk Jógúrt
• 1 tsk. chia-fræ
• Lúka af ferskum bláberjum
• Lófafylli af ávaxtamúslí (Früchte Müsli) frá Rapunzel
• Ristað lífrænt ræktað kókósmjöl eða kókósflögur frá Rapunzel
• 3-4 pekan-hnetur
• Rapunzel döðlusíróp eftir smekk yfir toppinn
• Um helgar er rosa gott að toppa þetta með súkkulaðikókósbitunum frá Rapunzel sem er hollari útgáfan af Bounty

Aðferð

Byrjið fyrst af öllu á að setja eina tsk. af chia-fræjum saman við 1 msk. af vatni og látið standa í örlitla stund meðan þið takið fram restina af hráefninu og ristið kókósmjöl eða kókósflögur.

1. Setjið svo jógúrtina í skál og hrærið útbleyttu chia-fræjunum og bláberjunum rólega saman við
2. Setjið svo múslíið næst yfir og toppið með ristaða kókósinum
3. Myljið svo pekan-hneturnar með fingrunum yfir allt og berið fram með döðlusírópinu sem er sett efst ofan á allt heila klabbið eins og sósa
4. Um helgar er svo gott að skera kókósbitana niður og setja yfir svona spari

Einnig er hægt að setja morgunmatinn í krukkur eins og ég geri hér til að taka með í nesti. En þá er best að setja bara eitt lag í einu og hræra svo öllu saman eftir á.