Matur | mbl | 9.2.2019 | 10:57

Lúxusútgáfa af eggjasalati

Eggjasalat í lúxusútgáfu á grófu brauði. mbl.is/Columbus Leth

Við kynnum hér lúxusútgáfu af gamla góða eggjasalatinu sem engan svíkur. Hér eru epli, sellerí og jógúrt í uppskriftinni ásamt ristuðu karrý sem gefur ævintýralegt bragð.

Lúxusútgáfa af eggjasalati

6 egg
¼ sellerí
1 epli
50 g belgbaunir
8 msk. hrein jógúrt eða skyr
4 msk. majónes
2 tsk. dijón-sinnep
4 msk. karrý
Safi og rifinn börkur af 1 sítrónu
1 rauður chili
Salt og pipar

Aðferð:

Harðsjóðið eggin og maukið þau síðan með gaffli (eða setjið í eggjaskera).
Rífið sellerí fínt niður með rifjárni.
Rífið eplið fínt niður með rifjárni. Hrærið eggjum, sellerí og eplum við baunirnar, majónes, jógúrt og sinnep í skál.
Ristið karrý létt á þurri pönnu og setjið út í salatið ásamt nýrifnum sítrónuberki.
Smakkið til með fínt söxuðum chili, sítrónusafa, salti og pipar.
Leyfið að standa í kæli í 30 mínútur til að bragðið fái að taka sig.
Berið fram með grófu brauði.