Pavlovan sem enginn getur staðist

• 4 eggjahvítur úr stórum eggjum (við stofuhita)
• 200 g súperfíngerður sykur (malaður á pulse).
• 1 tsk. hreint vanillu-extract.
• ½ tsk. cream of tartar eða 1 tsk. af sítrónusafa, borðediki eða eplaediki (bara eitt af þessu). Ég notaði Cream of tartar.
• 1 tsk. kartöflumjöl (ekki sleppa)

Ofan á: 

• Drekaávöxtur, kiwi, bláber, brómber, banani
• ½ lítri rjómi
• Vill-súkkulaðihúðuð hindber eða bláber (fást í Krónunni og fullkomna kökuna)
• Vill-hreint mjólkursúkkulaði
• Vill-skógarberjahlaup
• 2 jarðarberjasmáskyr

Aðferð:

1. Byrjið á að hita ofninn í 175 C° blástur.
2. Setjið svo eggjahvítur í hrærivél og byrjið að þeyta á miklum hraða í alveg 5 mínútur (takið tímann).
3. Á meðan er gott að setja sykurinn í blandarann og stilla nokkrum sinnum á pulse til að mala hann fínna en þó ekki eins fínan og flórsykur.
4. Setjið svo sykurinn út í eggjahvíturnar meðan þær eru enn að þeytast í tvennu lagi. Gott að láta 30 sek. líða á milli og haldið áfram að þeyta í eins og tvær mínútur í viðbót.
5. Bætið svo við vanillu-extractinu og þeytið í 1 mínútu í viðbót.
6. Slökkvið nú á hrærivélinni og setjið Cream of tartar og kartöflumjöl út í og hrærið með sleikju mjög varlega þar til það er komið vel inn í eggjablönduna.
7. Setjið svo bökunarpappa á plötu og teiknið eins og 23 cm hring.
8. Setjið svo alla blönduna inn í hringinn og mótið fallegan botn grynnri fyrir miðju. Svona eins og smá dæld í miðjunni.
9. Stingið nú í ofninn og lækkið hitann strax niður í 95 C°og látið bakast í 90 mínútur.
10. Þegar 90 mínútur eru liðnar slökkvið þá á ofninum og látið hana kólna þar inni eins lengi og kostur er. Best yfir heila nótt en annars í ekki minna en 2 klst.
11. Því lengur því meira seig og sykurpúðaleg verður hún í miðjunni.

Samsetning

1. Ekki setja á botninn fyrr en rétt áður en á að bera tertuna fram.
2. Þeytið rjóma og bætið tveimur jarðarberjasmáskyrum út í (þessi pínulitlu) og þeytið vel saman.
3. Setjið næst rjómann vel ofan á pavlovuna.
4. Skerið niður ávextina sem þarf að skera og dreifið yfir rjómann.
5. Setjið svo hlaup og súkkulaðihúðuð bláber yfir á milli berjanna og endið svo á að setja súkkulaðibrot sem standa upp úr rjómanum.
6. Berið strax fram og njótið í botn.