Matur | Morgunblaðið | 28.2.2019 | 16:05

Súkkulaðibollur með saltri karamellu og pekanhnetum

mbl.is/María Gomez

Lífið er hreinlega of stutt til að flippa ekki smá og hvað er betra en bollur sem búið er að snúa í hringi og toppa með öllu því besta sem hægt er að setja inn í og ofan á eina bollu? Það er María Gomez á Paz.is sem á þessa uppskrift.

Súkkulaðibollur með saltri karamellu og pekanhnetum

Einn pakki af Toro-hveitibolludufti, bakað eftir íslenskum leiðbeiningum á pakka
1 pakki Royal-karamellubúðingur
50 g 70% súkkulaði
2,5 dl nýmjólk
2,5 dl rjómi
1 tsk gróft salt og ½ tsk gróft salt (hvort í sínu lagi)
1 pakki rjómatöggur
½ dl rjómi
pistasíuhnetur án kjarna (saltar eða ósaltar)

Aðferð:

Bakið bollurnar eftir leiðbeiningum og bætið við þær 50 g af smátt skornu 70% súkkulaði.
Gerið svo saltkaramellubúðing með 1 pakka karamellubúðingi, 2½ dl rjóma, 2½ dl nýmjólk og 1 tsk af grófu salti og leggið til hliðar.
Bræðið svo rjómatöggur í potti með ½ dl rjóma og ½-1 tsk af grófu salti.
Skerið bollurnar í tvennt og setjið karamellu og muldar pekanhnetur á botninn.
Setjið svo búðinginn ofan á og lokið bollunni.
Toppið með saltkaramellu og muldum pekanhnetum.