Ein vinsælasta ruslatunna heims er nú fáanleg í sérstakri afmælisútgáfu í tilefni af 80 ára afmæli tunnunnar.

Í tilefni að stórafmælinu fengu stjórnendur VIPP hinn franska listamann Vahram Muratyan til að hanna útlit á VIPP15-tunnuna sem verður einungis fáanleg í takmarkaðan tíma en Vipp-tunnurnar eru þekktustu eldhúsruslatunnur samtímans. 

Hér heldur Vahram í rætur danskrar menningar og sögu með grafísku listaverki sem endurspeglar meðal annars litríku húsin við Nyhavn og Tívolíið sjálft – fólk á hjólum og lífið í borginni. Vahram viðurkennir þó að hann hafi ekki alveg verið með það á hreinu hver uppruni Vipp-tunnunar væri og hann hafði þetta að segja; „Hönnun ruslatunnunnar minnir mig á dæmigerðan bar sem þú finnur í Ameríku. Það kom mér því á óvart þegar ég fræddist aðeins meira um uppruna tunnunnar eftir að VIPP hafði samband við mig út af þessu verkefni.“

- - -

Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita...

- - -