Þið sem hafið séð nýjustu Disney-myndina Aladdín vitið að Will Smith leikur þar eitt af aðalhlutverkunum sem andinn Genie. Samstarfsfólk hans hefur lýst yfir hversu góðan húmor og stemningu stórleikarinn færði inn á settið við gerð myndarinnar. En það er ekki það eina sem Will Smith kom með í kvikmyndaverið.

Naomi Scott sem leikur hlutverk Jasmine prinsessu greindi frá því um daginn í viðtali að Will Smith hefði pantað matar-trukk fyrir alla á settinu. Margar mismunandi útgáfur af mac and cheese voru á boðstólnum sem vöktu mikla lukku – enda hver myndi ekki vilja fá óvæntan matarglaðning frá Hr. Smith sjálfum.