Það er næsta víst að fólk sem lifir og hrærist í heimi matreiðslu hlýtur að luma á leyndarmálum sem við hin hefðum gott af því að læra. Við fengum að rýna í grillhegðun sómahjónanna í versluninni Kokku á Laugarvegi og þar kom ýmislegt í ljós.

Nafn: Guðrún og Þorsteinn

Staða: Eigendur verslunarinnar Kokku á Laugavegi

Hvernig grillgræja er á heimilinu? Kolagrill frá Rösle.

Hvaða matur er bestur á grillið? Fiskur og ljóst kjöt. Bestur finnst okkur heitreyktur fiskur af grillinu. Svo verður flest grænmeti betra þegar það er kolagrillað. Það er til dæmis geggjað að skera krisskross í eggaldin, bera á það ólífuolíu og grilla þar til það er orðið mjúkt.

Grillar þú mest yfir sumartímann eða árið um kring? Á okkar heimili er grillað allan ársins hring. Þó meira yfir sumartímann.

Ertu týpan sem „átt“ grillið og enginn annar kemst nálægt? Það verður að segjast að Þorsteinn á grillið, hann sér um flest sem tilheyrir næringu fjölskyldunnar.

Hvað er ómissandi í góðri grillveislu? Góðir gestir. Svo er bara um að gera að hafa sem fjölbreyttast úrval svo allir fái það sem þeim þykir gott.

Áttu gott grill-„tips“ handa okkur? Forðast langtímamarinerað kjöt, það vill oft verða ansi salt. Svo er lykillinn að krydda með reyk en það er einstaklega auðvelt á kolagrilli.

Elva Hrund Ágústsdóttir elva@mbl.is

Tengdar fréttir

Matarprófíll

Á þrjár hrærivélar en samt enga

• Með matarást á Ragnari Péturssyni
• Byrjaði að horfa á Dynasty með mömmu
• Segir pulsu með tómat og sinnepi vera besta skyndibitann
• „Ég kenndi Sólrúnu Diego allt sem hún kann.“

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir