Matur | mbl | 29.7.2019 | 21:34 | Uppfært 30.7.2019 8:17

Algjörlega stórkostlegur rabarbarakokteill

Rabarbaradrykkur af bestu gerð - fyrir fullorðna. mbl.is/© Anders Schønnemann

Halló rabarbari! Það eru ógrynni til af geggjuðum uppskriftum sem rabarbari er að gefa okkur. Þessi er engin undantekning og er í vökvaformi fyrir fullorðna.

Hinn eini sanni rabarbaradrykkur (fyrir 4)

200 g hreinsaður rabarbari
3 dl vatn
100 g sykur

Drykkur:

6 cl rabarbarasíróp (sjá uppskrift hér fyrir ofan)
12 cl gin
12 cl þurrt vermouth
Safi úr ½ sítrónu
Klaki
2 ferskir rabarbarastilkar

Aðferð:

Síróp: Skerið rabarbarann í litla bita og setjið í pott með vatni. Látið sjóða í 15 mínútur.
Síið safann frá og takið rabarbarann upp úr. Setjið safann aftur ofan í pottinn ásamt sykri. Látið sjóða í 20 mínútur þar til hann þykknar, en hann á ekki að vera of þykkur.
Hellið sírópinu í flösku. Ef ykkur finnst vökvinn of þykkur má þynna hann út með vatni.
Drykkurinn: Blandið rabarbarasírópi saman við gin og vermouth og smakkið til með sítrónusafa.
Berið fram í glasi með klaka og rabarbarastilkum sem skornir eru í mjóa strimla.