Matur | mbl | 15.9.2019 | 10:53

Lúxus kjúklingaréttur með beikoni og fetaosti

mbl.is/Gígja S. Guðjónsdóttir

Ef það er eitthvað sem passar við veðrið þá er það þessi fullkomni kjúklingaréttur sem er löðrandi í beikoni og osti. Meira þurfum við ekki.

Það er Gígja S. Guðjónsdóttir sem á heiðurinn að þessum rétt en hægt er að nálgast matarbloggið hennar HÉR.

Lúxus kjúklingaréttur með beikoni og fetaosti

Uppskrift fyrir 4

4 stórar kjúklingabringur
lítill pakki beikon
döðlur eftir smekk, ég notaði ca 20 döðlur
hálf dós fetaostur
rifinn ostur

Meðlæti: t.d. sætar kartöflur og/eða salat.

Aðferð:

Hitið ofninn í 180 á blæstri.

Ath.: Ávallt skal leyfa kjúklingnum að ná stofuhita áður en hann er eldaður, það kemur í veg fyrir að hann verði seigur.

Muna: Þrífa skæri og nota þau til að klippa bæði beikonið og döðlurnar.

Grillið kjúklinginn á mínútugrilli (fljótlegasta aðferðin, auðvitað er hægt að elda hann í ofni eða á pönnu líka, bara að hann sé eldaður í gegn).

Steikið beikonbitana.

Þegar beikonið og kjúklingurinn er tilbúin þá er bringunum raðað í eldfast form og beikoni, döðlum, fetaosti þjappað ofan á kjúklingin og rifnum osti stráð yfir.

Hitað í ofninum í 10-15 mínútur.