Klassíska matarstellið frá Rosendahl sem við þekkjum svo vel hefur nú verið uppfært úr hvíta postulíninu yfir í allt aðra tóna. Við erum að sjá fallega leirtausdiska, skálar og aðra fylgihluti sem smellpassa við það sem þú átt fyrir í skápunum.

Það stórkostlega er að diskarnir sjálfir virka einnig sem lok á skálarnar til að geyma afganga í stað plastfilmu eða álpappírs.

Stellið kemur í ljósum blágráum lit og beige sem minnir helst á vanillukrem með svörtum vanillukornum – eða lystaukandi matarstell! Nýja línan kemur í verslanir í september og mun án efa lenda hér á landi hjá þeim fjölmörgu fyrirtækjum sem selja Rosendahl-vörurnar.