Cody Bondarchuk starfaði í tvö og hálft ár hjá McDonalds og setti Twitter á hliðina er hann tísti um hegðun sína á hamborgarastaðnum þekkta.

Hann viðurkenndi að hafa alltaf sett einn auka nuggets með hverjum keyptum skammti á McDonalds, og þá allan tímann sem hann starfaði hjá þeim. Og viðbrögðin létu ekki á sér standa með næstum 1 milljón like-a og óteljandi athugasemda.

Fólk allsstaðar að skrifaði athugasemdir undir færsluna þar sem einn segir Cody vera hversdagshetju sem gleðji aðra með því litla, á meðan annar spurði hvort Cody starfaði nokkuð í banka í dag og þá í hvaða banka, svona rétt ef hann væri að dreifa auka seðlum til þeirra sem taka út pening. Einhver skaut því inn að það væru ekki allar ofurhetjur með skikkju því sumar væru einfaldlega með nafnspjöld  á skyrtunni.

Cody sagðist vona að einhverjir hafi tekið eftir því að hann laumaði einni auka nuggets í pokann þeirra, en hann starfaði aðallega í bílalúgunni á staðnum. Hann sagðist einnig hafa reiknað dæmið út og að hann skuldi McDonalds um 1.600 dollara eða í kringum 200 þúsund krónur fyrir atvikin.

mbl.is/McDonalds

Tengdar fréttir

Uppskriftir

Undursamlega gott tandoori lamb með saffran hrísgrjónum

• Ljúffengur ofnbakaður þorskur í sítrónusósu
• Wagyu lúxusborgarinn hans Bjarka er rosalegur
• Kjúklingur með parmesan borinn fram með jógúrtsósu
• Hreppstjórakaffi með kandís sem minnir á æskustundirnar

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt