Nú skerum við niður sítrónusneiðar og setjum út í vatnið okkar. Það er ekki bara girnilegt á að líta, heldur lítið mál að græja, en umfram allt alveg meinhollt fyrir þig.

Húðin elskar sítrónuvatn

Mikið af þeim matvælum sem þú borðar inniheldur C-vítamín, sem er gott fyrir líkamann. En sítrónur eru stútfullar af vítamíninu. C-vítamín er á meðal þess sem hjálpar til við kollagenframleiðslu húðarinnar sem heldur henni mjúkri og spornar við hrukkumyndun.

Sítrónuvatn eykur brennsluna

Sítrónur eru bragðmiklar og innihalda fáar hitaeiningar. Þegar sítrusolían af berkinum og safinn frá „kjötinu“ kemst út í vatnið slokknar ekki einungis á þorstanum heldur kviknar á öllum skilningarvitunum. Sítrónuvatn getur minnkað þörfina fyrir sykraða drykki sem innihalda mikið af hitaeiningum og í raun eykst brennslan við að drekka sítrónuvatn.

Vondir siðir hverfa

Margir eiga erfitt með að greina á milli þess að vera þyrstir eða svangir. Ef maður er svangur þarf að sjálfsögðu að fóðra líkamann, en ef um ræðir millimál, sem við vitum að er ekkert annað en löngun í eitthvað sætt, skaltu allt eins fá þér sítrónuvatn. Prófaðu næst að drekka eitt glas af vatni með sítrónu og athugaðu hvort þú náir ekki að jafna líkamann. Sítrónusprengja er kannski líka það sem þú þarft til að venja þig af aukakaffibollanum sem þú drekkur nóg af yfir daginn.

mbl.is/Colourbox

Tengdar fréttir

Húsráð

Þess vegna ættir þú að borða papaja daglega

• Svona geymast eggjahvítur og eggjarauður best
• Matvæli sem róa magann
• Hversu oft eigum við að skipta um tusku?
• Svona brennir þú hitaeiningum við heimilisþrifin

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt