Hér er hreint út sagt nútímaleg útfærsla á kaffihúsi, þar sem baðherbergið er prýtt beljumunstri og húsgögn í líkingu við tetris-kubba skreyta rýmið sjálft.

Kaffihúsið er að finna í Rússlandi, það ber nafnið „And Y cafe“ og er staðsett nálægt háskólasvæði – því margt ungt fólk sem ratar þangað inn. Hönnunin er litrík og nútímaleg, en það er rússneski arkitektinn Eduard Eremchuk sem stendur þar á bak við.

Eduard vildi koma sem flestum gestum fyrir á litlu svæði og hannaði því færanlegar einingar á hjólum sem minna á tetris-kubba. En öll húsgögnin eru í appelsínugulum lit sem gefa orku inn á staðinn. Þetta er þó ekki allt, því baðherbergið er eitt það stórkostlegasta sem við höfum séð til þessa. Beljumunstur á flísum frá hólfi til gólfs – meira segja vaskurinn sjálfur er flísalagður með hvítum blöndunartækjum sem smellpassa þar inn.