Gleðipinnar og Hreyfill hafa ákveðið að snúa bökum saman á þessum furðulegu tímum og ef þú pantar mat mun Hreyfill sjá um heimsendingu á mat frá veitingastöðum Gleðipinna. Þessi þjónusta mun auka gríðarlega framboðið fyrir þá sem heima sitja en heimsendingin er frí ef pantað er fyrir meira en 6.900 krónur. Annars er 1.500 króna heimsendingargjald.

„Gleðipinnar höfðu samband við okkur og viðruðu þessa hugmynd, sem okkur fannst frábær. Leigubílstjórar, líkt og aðrir í þjóðfélaginu, hafa verið uggandi og áhyggjufullir yfir stöðunni. Þetta samstarf kemur sér afar vel fyrir okkur og líka fyrir veitingastaði Gleðipinna. Vonandi getum við lagt okkar af mörkum við að aðstoða þá sem komast ekki úr húsi,“ segir Haraldur Axel Gunnarsson, framkvæmdastjóri Hreyfils.

„Leigubílstjórar upplifa minnkandi viðskipti og á sama tíma er mikil eftirspurn eftir „take away“. Við erum að senda heim frá völdum stöðum með Aha, en samstarfið við Hreyfil eykur enn á afköst okkar í heimsendingu,“ segir Jóhannes Ásbjörnsson, talsmaður Gleðipinna.

„Fyrirkomulagið er einfalt og upp á gamla mátann. Þú hringir á þann veitingastað sem þú vilt panta hjá, við svörum og tökum við pöntun og símgreiðslu. Svo hringjum við í Hreyfil og þeir skutla matnum hratt og örugglega til þín. Þú tekur fram hvort þú viljir snertilausa heimsendingu og þá skilur leigubílstjórinn matinn eftir við dyrnar hjá þér,“ bætir Jóhannes við.

Veitingastaðir Gleðipinna og símanúmer:

Aktu Taktu Skúlagötu: 561-0400 (opið allan sólarhringinn)

Aktu Taktu Mjódd: 557-9922

Aktu Taktu Garðabæ: 565-8050

Aktu Taktu Fellsmúla: 533-4100

Hamborgarafabrikkan: 575-7575

American Style: 517-1818

Shake&Pizza: 517-1819

Eldsmiðjan: 562-3838

Blackbox: 546-0321

Pítan: 562-9090

Roadhouse: 571-4200

Saffran: 578-7474

Vefsíða Gleðipinna þar sem má nálgast ýmsar upplýsingar

Tengdar fréttir

Innlend veitingahús

Valkyrjan Bistro & bar skellir í lás

• „Ég fer eiginlega aldrei út að borða“
• Græna herbergið fullkomið til að fara á trúnó
• Unaðslega góð grafin bleikja
• Parið á bak við Eyju vínstofu á Akureyri

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt