Uppáhaldsdjöflatertan

12 skammtar

• 1 3⁄4 bollar hveiti
• 2 bollar sykur
• 3⁄4 bolli kakó
• 2 tsk. lyftiduft
• 1 tsk. natron
• 1 tsk. salt
• 1 bolli mjólk eða rjómi
• 1⁄2 bolli olía, t.d. repju-, hnetu- eða isio-olía
• 2 stk. egg
• 1 tsk. vanilludropar
• 1 bolli heitt kaffi

Kreminnihald

• 160 g suðusúkkulaði
• 225 g mjúkt smjör
• 1 stk. eggjarauða
• 1 tsk. vanilludropar
• 1 1⁄4 bolli flórsykur
• 1 tsk. kaffiduft
• 2 tsk. heitt vatn

Botn

1. Hitið ofn í 180 gráður.
2. Setjið öll þurrefnin í hrærivélarskál, hrærið saman á lægstu stillingu og látið þau blandast vel.
3. Bætið þá mjólk eða rjóma, olíu, eggjum, vanilludropum og kaffi saman við og hrærið vel en varlega því blandan er frekar þunn.
4. Hellið í tvö smurð bökunarform, kakan fer best í 23 cm formi því þá ná botnarnir meiri þykkt og kakan er veglegri og reisulegri að bera fram.
5. Setjið í ofn og bakið í 25-35 mínútur.
6. Stingið í botnana með kökuprjóni eftir 25 mínútur og athugið hvort þeir koma hreinir út. Ef svo er þá eru botnarnir bakaðir.
7. Gætið að því að baka þá ekki of mikið, þá verða þeir þurrari en þeir eiga að vera.
8. Kælið áður en kremið fer á þá.

Krem

1. Bræðið súkkulaðið og kælið án þess að það taki að harðna.
2. Hrærið það þá saman við mjúkt smjörið, í um 3 mínútur.
3. Setjið eggjarauðuna saman við og hrærið áfram þar til súkkulaðiblandan er glansandi og kekkjalaus.
4. Bætið vanilludropum og flórsykri út í og hrærið rólega.
5. Látið kaffiduftið leysast upp í heitu vatninu og hellið varlega saman við kremið.
6. Hrærið áfram þar til kremið er mjúkt og létt.

Samsetning

1. Smyrjið kremi ofan á annan botninn, leggið þá hinn þar ofan á.
2. Smyrjið kökuna vandlega með kreminu, topp og hliðar.
3. Mörgum þykir betra að kæla súkkulaðiköku eins og þessa áður en hún er borin fram. Það er alfarið ykkar ákvörðun því hún er alltaf jafn góð.
4. Berið fram með þeyttum rjóma, ís, mascarpone-kremi, grískri jógúrt, ávöxtum, berjum … eða bara eina og sér. Hún stendur fyllilega undir því.

Höfundur: Halla Bára Gestsdóttir