Þar sem allir eru í tiltektargír þessa dagana með hækkandi sól í samkomubanni – þá er baðherbergið eitt af þeim rýmum sem eflaust þurfa á yfirhalningu að halda.

Ef þig vantar innblástur í að gera geggjaða breytingu fyrir baðherbergið sem mun alltaf koma þér í gott skap þá ertu á réttum stað, því veggfóður er ótrúlega smekklegt og þá sérstaklega inn á lítil baðrými. Og því skrautlegra sem veggfóðrið er því skemmtilegra er það. Það eru margar verslanir hér á landi sem selja skemmtilegt veggfóður og veita faglega aðstoð um hvernig sé best að bera sig að. Það er því ekki eftir neinu að bíða – bara velja litskrúðugt veggfóður og fá splunkunýtt baðherbergi fyrir páska.