Er borðstofan minnst spennandi rýmið á heimilinu? Þá getur verið að þú þurfir að fá nokkur góð ráð og skapa nýja stemningu við borðið.

Nokkur góð ráð varðandi borðstofur

• Borðstofan er rýmið þar sem þú, fjölskyldan og gestir koma saman og verja drjúgum stundum. Sjáðu til þess að rýmið sé huggulegt, með hlýju yfirbragði – og reyndu að setja ekki allan fókusinn á borðið og stólana, því allt rýmið skiptir máli.
• Það er góð hugmynd að velja borðstofuborð í hlýjum efnivið eða ljósum lit. Hörð og köld efni geta glamrað meira er þú setur diska, glös og hnífapör á borðið.
• Ólíkir stólar við borðið geta gefið meira lifandi flæði. En gott er að hafa í huga að stólar geta verið mjög mismunandi, sumir með örmum og aðrir bólstraðir – en krakkarnir kjósa oftast að sitja við bekk ef slíkt er í boði, enda mjög meðfærilegt að vera með bekk við borðið.
• Passaðu hversu hátt þú hengir upp borðstofuljósið sem kemur til með að hanga yfir borðinu. Fólk verður að geta séð hvort annað og ekki blindast af perunni í ljósinu. Þá er dimmer alltaf góður kostur.
• Góð hljóðdempun er alltaf verð að hafa í huga og slíkt getur verið í formi gardína, gólfteppis eða listaverka – sem skapar á sama tíma persónulega stemningu.
• Reyndu að bæta við öðrum húsgögnum og fylgihlutum en bara borði og stólum. Bekkur undir gluggann, eða lítill skápur á vegginn sem geymir leirtauið er ein hugmynd – og ekki gleyma ferskum blómum sem skipta höfuðmáli og fegra öll þau rými sem þau prýða.

Borðstofur eru rýmin þar sem fjölskylda og vinir safnast saman og deila góðum borðsögum. mbl.is/anadianloghomes.com

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt