Samfélagsmiðlastjarnan Kylie Jenner deilir daglega frá lífi sínu í gegnum Instagram – stundum með sjóðheit förðunarráð, eða með krúttlegum myndum af dóttur sinni Stormi, en það nýjasta eru eldhúsleyndarmál.

Nýverið sýndi Kylie hvernig hún gerir avókadó brauð sem mörgum finnst nú ekki vera nein stórtíðindi í framreið. En hún notar hráefni sem margir hafa eflaust ekki prófað áður ofan á brauð. Og það þykir til tíðinda þegar stjörnurnar deila sínum uppáhalds uppskriftum. Vöðvabúntið The Rock sagði til dæmis frá því að hann setji alltaf tequila ofan á ristað brauð.

Þegar Kylie Jenner fær sér brauð með avókadó, þá byrjar hún á því að rista brauðið. Hún stappar því næst avókadóinn með gaffli og kryddar með rauðum piparflögum og sjávarsalti. Síðan er það leynivopnið, hunang - sem hún dreypir yfir allt saman.

Nokkrir Twitter aðdáendur hafa prófað uppskriftina sem fékk fullt hús stiga á meðan einhverjum voru slétt sama hvernig Jenner systirin útfærir brauðið sitt. Hvort sem heldur, þá væri gaman að prófa að setja hunang á brauðið og dæma það sjálfur.