Ekta ítalskt lasagna

Fyrir 6

• 500 g nautahakk
• 500 g svínahakk
• 1 laukur, saxaður
• 2-3 gulrætur, smátt saxaðar (má sleppa eða bæta við grænmeti að eigin vali)
• 5 hvítlauksrif, pressuð
• 800 g tómatar í dós, maukaðir
• 170 g tómatpaste
• 400 g tómatpassata
• 120 ml hvítvín
• 2 msk. sykur
• 1 lúka fersk basilíka, söxuð
• 1 tsk. fennelfræ
• 1 tsk. þurrkað óreganó
• 1/2 tsk. salt
• 1/2 tsk. svartur pipar
• 1/4 búnt fersk steinselja, söxuð
• 500 g lasagnaplötur, helst ferskar
• 850 g ricottaostur (má nota kotasælu)
• 2 msk fersk steinselja, söxuð
• 1 stórt egg
• 1/2 tsk. salt
• 1/4 tsk. múskat
• 500 g ferskur mozzarella, skorinn í sneiðar (má nota rifinn þótt ferskur sé betri)
• parmesanostur, rifinn

Leiðbeiningar

1. Steikið hakkið í stórum potti og bætið lauk og hvítlauk saman við. Steikið þar til kjötið er farið að brúnast og hrærið stöðugt í því.

2. Bætið við sykri, ferskri basilíku, fennel, óreganó, salti, pipar og steinselju.

3. Hellið næst maukuðu tómötum, tómatpúrru, tómatpassata og hvítvíni út í pottinn. Hitið að suðu. Lækkið þá hitann niður í lægstu stillingu og látið malla í 1-4 klst.

4. Setjið ricotta (kotasælu), egg, steinselju, salt og múskat saman í skál og blandið vel saman.

5. Setjið um 2-3 dl af kjötsósunni í eldfast mót. Setjið lasagnaplötur yfir.

6. Látið 1/3 af ricottablöndunni yfir og því næst mozzarella.

7. Látið 3-4 dl af kjötsósunni yfir mozzarella og stráið parmesan yfir.

8. Endurtakið þetta tvisvar til viðbótar.

9. Endið á að setja kjötsósu yfir pasta, þá mozzarella og að lokum parmesan.

10. Setjið álpappír yfir mótið og látið í 200°c heitan ofn í 30 mínútur.

11. Takið álpappírinn af og eldið í 25 mínútur eða þar til osturinn er orðinn gylltur.