Matur | mbl | 5.10.2020 | 5:04

Svona nærðu stjórn á vigtinni

Áttu erfitt með að berjast við vigtina. mbl.is/colourbox

Það nennir enginn til lengdar að slást við tölurnar á vigtinni, en kannski að þessi ráð hérna geti hjálpað til. Sumt höfum við margoft heyrt áður en annað er nýtt – og við tökum það til okkar sem hentar.

Svona nærðu stjórn á vigtinni

Láttu grænmeti, korn, ber og kál vera mestu fyllinguna á disknum.
Bættu við hreyfingu í athafnir þínar yfir daginn. Stattu upp á klukkutíma fresti. Stundaðu æfingu á stofugólfinu á meðan þú horfir á sjónvarpið. Farðu út að labba eða hjóla – allt sem þú ræður við.
Verslaðu í matinn þegar þú ert saddur/södd. Annars rýkur skynsemin fljótt út um gluggann og matarkarfan fyllist af sætindum. Skrifaðu innkaupalista svo að þú kaupir ekki eintóma vitleysu.
Búðu til alvörumat, þá meinum við ekki fljótlega óhollustu.
Gættu þess að borða ekki of mikið af óþarfa kaloríum á milli mála. Drekktu nóg af vatni.
Borðaðu þar til þú ert ekki lengur svangur/svöng, en ekki þar til þú ert að springa. Taktu minni munnbita og tyggðu matinn vandlega.
Ekki borða allt af disknum út af skyldurækni, ekki einu sinni á veitingastað. Taktu frekar afgangana með þér heim.
Reyndu að fá góðan nætursvefn – slökktu á sjónvarpinu og farsímanum og dempaðu lýsinguna í herberginu. Lélegur svefn kallar á stress og fær okkur til að borða óhollara og meira.
Ekki óttast hungur – þú ert ekkert að fara deyja þó að þú missir af einni millimáltíð.
Hugsaðu um átta tíma regluna. Að borða allar máltíðir innan átta klukkustunda yfir daginn. Sumir telja jafnframt að maður eigi að sleppa morgunmatnum, en því eru ekki allir sammála.
Besta leiðin til að borða ekki sætindi og snakk yfir sjónvarpinu á kvöldin er að sleppa því að kaupa það. Fáðu þér hollari bita ef þú vilt japla á einhverju á kvöldin.
Settu þér raunhæf markmið og hugsaðu út í það hvernig þú vilt léttast. Ef þú ferð of geyst af stað eru líkur á að þú munir missa þráðinn.