Skólamatur og Guðrún Sóley undirrituðu á dögunum samstarfssamning um framleiðslu á nýjum veganréttum sem munu birtast á matseðli Skólamatar innan skamms.

Skólamatur, sem hefur um rúmlega tuttugu ára skeið sérhæft sig í framleiðslu og framreiðslu á máltíðum fyrir leik- og grunnskólanemendur, býður á hverjum degi upp á tvo aðalrétti, þar af er annar ávallt vegan.

Frétt af mbl.is

Guðrún Sóley tilnefnd til alþjóðlegra verðlauna

Öllum viðskiptavinum Skólamatar stendur til boða að fá sér veganrétt. Stöðug aukning hefur verið í neyslu á veganréttum á undanförnum árum og daglega eru borðaðir rúmlega 1.000 skammtar af veganrétti. Mikil ánægja er á meðal nemenda og starfsfólks með að eiga kost á því að fá sér veganrétt. Samstarfið við Guðrúnu Sóleyju er liður í því að bæta enn frekar þjónustu við viðskiptavini okkar með meiri fjölbreytni og nýjungum í veganréttum, að því að fram kemur í fréttatilkynningu.

Frétt af mbl.is

Bók Guðrúnar Sóleyjar valin best í heimi

Guðrún Sóley hefur fyrir löngu sannað sig sem ein af fremstu vegansælkerum landsins. Árið 2018 gaf hún út matreiðslubókina Grænkerakrásir sem hefur slegið í gegn. Í júní síðastliðnum hlaut bókin alþjóðlegu Gourmand-matreiðslubókaverðlaunin í tveimur flokkum. Bókin hlaut fyrsta sæti í flokki vegan matreiðslubóka og þriðja sæti í flokki skandinavískra matreiðslubóka.

Frétt af mbl.is

Guðrún Sóley gefur út matreiðslubók

Jón Axelsson framkvæmdastjóri Skólamatar og Guðrún Sóley Gestsdóttir undirrita samning. Ljósmynd/Aðsend

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt