Matur | mbl | 3.11.2020 | 11:12 | Uppfært 12:25

Spaghetti bolognese með sparitvisti

Ljósmynd/Linda Ben

„Þetta er skemmtileg útgáfa af hinum klassíska rétti en rauðvínið í sósunni skilar sér með kröftugu og dýpra bragði af sósunni. Annars er þetta afskaplega einfaldur réttur sem allir eiga að geta leikið sér að að galdra fram í eldhúsinu,“ segir Linda Ben um þessa uppskrift sem við hvetjum ykkur til að prófa.

Rauðvíns-spaghetti bolognese

250 g spagettí
500 g nautahakk
ólífuolía
1 laukur
1 gulrót
2-3 hvítlauksgeirar
650 ml pastasósa
1 msk. ítölsk kryddblanda (óreganó, timían, basil)
1/8 tsk. þurrkað chili
1 dl rauðvín
salt og pipar
parmesan
ferskt basil

Aðferð:

Sjóðið spagettí samkvæmt leiðbeiningum á umbúðum.
Skerið lauk og gulrót niður og steikið á pönnu upp úr ólífuolíu.
Bætið nautahakki út á pönnuna og steikið það í gegn.
Skerið hvítlauk eða pressið í gegnum hvítlaukspressu og steikið létt, bætið svo pastasósunni út á. Kryddið til með ítalskri kryddblöndu, chili. Bætið rauðvíninu út á og blandið saman, kryddið með salti og pipar og smakkið til. Látið suðuna koma upp og leyfið að malla rólega í 4-5 mín. Bætið spagettíinu út á og blandið saman.
Berið fram með parmesan og fersku basil.