Modern Family-sjónvarpsstjarnan Jesse Tyler Ferguson gefur út sína fyrstu matreiðslubók. Leikarinn hefur eytt síðustu árum í að skrifa „Food Between Friends“ ásamt rithöfundinum Julie Tanous.

Julie Tanous er matgæðingur með meiru – þekkt fyrir að þróa áfram nýjar uppskriftir og skrifar alla jafna um mat. Jesse og Julie hafa deilt ástríðu sinni á matargerð á sameiginlegri instagramsíðu sinni, Foodbetweenfriends. Þau segjast vera „makar“ í eldhúsinu og loksins gefi þau út bók saman. Bók sem er stútfull af ljúffengum uppskriftum, en jafnframt skemmtileg, og með góða innsýn í þeirra einstöku vináttu og fjölskyldulíf.

Bókin mun innihalda allt frá fjölskylduvænum uppskriftum yfir í fína eftirrétti. Tvíeykið hefur smátt og smátt verið að deila sýnishornum úr bókinni á instagram. Þau segja jafnframt að vinátta þeirra og þetta ferðalag á bak við eldavélina hafi kennt þeim heilmikið og ýtt þeim þar af leiðandi út í bókarskrif.

Mbl.is/Penguin Random House

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt