Undanfarið hafa áfengisframleiðendur verið að gefa út víntegundir með engu eða litlu magni af alkóhóli. Nema þessir hér, sem fara í þveröfuga átt og framleiða sterkasta gin í heimi.

Hér ræðir um gin sem mælist rétt um 95% í styrkleika. Alls ekki fyrir hænuhausa og býður hiklaust upp á timburmenn – sé það drukkið óhóflega. Ginið kallast „Anno Extreme 95“ og er hannað af vísindamönnum, þar sem ævintýralegt bragð ginsins vekur athygli. Við erum að horfa á hráefni á borð við fennel, múskat, kóríander og lakkrís.

Flaskan sjálf er vel merkt og þá einnig með viðvörunartexta um að hér sé um einkar sterka útgáfu af gini að ræða, en flöskurnar rúma 20 cl. Þess má geta að samkvæmt Lad Bible var sterkasta gintegundin, „Strane Ultra Uncut“, um 82% og hefur nú verið slegin út af listanum.

Ginið var hannað af vísindamönnum og hefur sérstakan keim. Mbl.is/Anno gin

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt