Geggjaður kjúklingaréttur með kasjúhnetum

• 1 bakki kjúklingabringur
• ólífuolía
• 200 g kasjúhnetur
• 2 laukar
• 6 hvítlauksrif (söxuð)
• 1 rauð paprika
• 1 brokkolíhaus
• 1 kjarnhreinsað chili (saxað)
• 10 cm stilkur af blaðlauk
• 3-4 dl ostrusósa

Aðferð:

1. Byrjið á að rista kasjúhneturnar á heitri pönnu í stutta stund og setjið til hliðar. Setjið vel af olífuolíu á pönnuna og steikið lauk, hvítlauk og blaðlauk ásamt chili þar til allt fer að brúnast aðeins. 
2. Bætið kjúklingabitunum út á pönnuna og kryddið með salti & pipar. Steikið þar til kjúklingurinn er farinn að taka á sig smá lit og bætið þá við brokkolíi, papriku og kasjúhnetum, ásamt ostrusósu (ég er ekkert að spara hana enda svakalega góð í þennan rétt).
3. Látið malla í 20 mínútur á meðalháum hita og veltið um pönnuna af og til í þennan tíma.
4. Ég ber réttinn fram með hrísgrjónum eða núðlum.