Jólin snúast meira og minna um góðan mat og samverustundir, og þar erum við í fremstu víglínu. Heitasta trendið á netinu í dag snýst einmitt um nýstárlega útgáfu af ostabakka – og hugmyndin er geggjuð.

Sama hvað við röðum miklum mat ofan í okkur í desember virðist alltaf vera til pláss fyrir aðeins meira. Og nýjasta trendið kallast „jarcuterie“ – sem snýst um það að deila samverustundum með ástvinum án þess að allir séu að gramsa ofan í sama ostabakkanum eða álíka, vegna kórónaveirufaraldursins.

Hér sjáum við glerkrukkur, fylltar með ostum, skinku, ávöxtum og ólífum, sem hver og einn getur notið úr sínu sæti – án þess að teygja sig yfir mann og annan. Hugmyndin er stórsnjöll og falleg fyrir augað líka.