Ris a la mande

Dugar í um 10 glös/skálar (eftir stærð)

Grauturinn

• 330 g Tilda Long Grain-hrísgrjón (ósoðin)
• 1,6 l nýmjólk
• 2 vanillustangir
• 1 msk. smjör
• 2 msk. sykur
• ½ tsk. salt

Bræðið smjörið í stórum potti og hellið mjólkinni næst saman við og hitið að suðu.

Þá má hræra hrísgrjónin saman við og gott er að hræra nokkrum sinnum í þeim fyrstu mínúturnar til að þau festist síður við botninn.

Lækkið hitann vel niður og bætið sykri og salti í pottinn.

Skafið fræin úr vanillustöngunum og bætið saman við og leyfið stöngunum sjálfum að malla með í pottinum (takið þær síðan úr í lokin).

Grauturinn má malla við vægan hita í um 35 mínútur og gott er að hræra í honum nokkrum sinnum á meðan.

Grautinn þarf síðan að kæla áður en öðrum hráefnum er blandað saman við hann. Hægt er að útbúa grautinn sjálfan deginum áður og geyma í kæli.

Önnur hráefni

• 250 ml rjómi
• 70 g flórsykur
• 100 g ristaðar möndluflögur
• kirsuberjasósa eða hver sú sósa sem ykkur langar í

Léttþeytið saman rjóma og flórsykur og vefjið varlega saman við kældan grautinn. Gott er að brjóta grautinn fyrst upp með gaffli.

Setjið graut í fallegar skálar/glös, kirsuberjasósu yfir og að lokum ristaðar möndluflögur.