Við elskum góð ilmkerti, en ilmkerti finnast í mörgum útgáfum – þá bæði í stærðum og ilmi. Hér eru nokkur góð ráð um hvernig þú heldur lífinu lengur í kertinu þínu.

Veldu rétta kertið

Með minni kerti er einn kveikur nóg, en eftir því sem kertið verður stærra skaltu velja kerti með allt að fjórum kveikjum – þannig kemur þú í veg fyrir að það myndist hola í miðju kertinu.

Passaðu staðsetninguna

Stillið kertinu þar sem það hallast ekki – passið að kertin séu alltaf á jöfnu yfirborði og fjarri öllum gegnumtrekk.

Brenndu kertið jafnt

Samkvæmt kertasérfræðingum er best að brenna ilmkertin í mest fjóra tíma í einu. Ef þú brennir kertið kertið lengur er hætta á að það missi ilminn hraðar. Og alltaf skal brenna kertin þannig að það búi til „jafna laug“, til að sporna við að hola myndist. Samkvæmt candles.org ættu kerti að brenna í eina klukkustund fyrir hverja 2,5 sentimetra í þvermál.

Hafðu góða loftræstingu í herberginu

Passaðu loftræstinguna í rýminu, þó að þú viljir ekki staðsetja kerti nálægt opnum glugga eða viftu. Í góðu loftræstu rými nær ilmurinn að dreifast betur um húsið.

Leyfðu kertinu að kólna

Gott er að leyfa kertinu að kólna áður en þú kveikir á því aftur. Það tekur um tvo tíma fyrir kertið að kólna.

Notaðu kertaglasið

Þegar kertið hefur skilað sínu á heimilinu er óþarfi að henda kertaglasinu sjálfu því mörg ilmkertanna eru í fallegum kertaglösum sem má nota undir bómull, förðunarbursta eða jafnvel penna.

Tengdar fréttir

Húsráð

Ráð fyrir ferskustu handklæðin

• Svona þrífur maður hvíta skó
• Þess vegna ættir þú að borða papaja daglega
• Svona geymast eggjahvítur og eggjarauður best
• Matvæli sem róa magann

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt