Matur | mbl | 8.1.2021 | 16:28 | Uppfært 18:28

Pítsan sem hittir algjörlega í mark

mbl.is/Berglind Hreiðarsdóttir

Þessi pítsa kallast Ein með öllu þar sem það er ansi mikið álegg á henni og hún því með eindæmum ljúffeng. Ef það gefst ekki tími til að búa til eigið pítsudeig má að sjálfsögðu kaupa það tilbúið.

Athugið að hægt er að gera deigið deginum áður, skipta niður í fimm kúlur, hjúpa hverja með olíu og setja hverja og eina í sér filmuplasts/ziplock-poka og geyma í kæli. Mikilvægt er síðan að leyfa deiginu að ná stofuhita áður en það er teygt út og álegg sett á.

Ein með öllu-pítsa

5 skammtar

Pítsudeig:

660 g hveiti
400 ml volgt vatn
2 tsk. salt
1 pk þurrger
2 msk. jómfrúarólífuolía

Álegg:

pítsusósa
rifinn pítsuostur frá Gott í matinn
piparostur
hreinn rjómaostur frá Gott í matinn
steikt nautahakk
stökkt beikon (niðurskorið)
pepperoni
græn paprika
rauðlaukur
sveppir
ferskt timían

Pítsudeig

Setjið þurrefnin í hrærivélarskál og festið krókinn á (þetta deig má einnig hnoða í höndunum en þá þarf að gera stóra holu í þurrefnahrúguna og blanda vatni og olíu saman við í nokkrum skömmtum).
Blandið þurrefnunum saman og hellið vatni og ólífuolíu saman við og hnoðið í nokkrar mínútur.
Penslið stóra skál með matarolíu, veltið deigkúlunni upp úr olíunni, plastið skálina og leyfið að hefast í 1½-2 klukkustundir.

Pizza