Fljótlegt tiramisú með karamellu

Frábær og fljótlegur eftirréttur sem hægt er að gera áður og geyma í a.m.k. sólarhring. Einföld uppskrift dugar í 6 glös eða eitt fat.

• 1 dós íslenskur mascarpone frá Gott í matinn
• 1 1⁄2 dl rjómi frá Gott í matinn
• 1 tsk. vanilla
• 2⁄3 dl flórsykur
• 125 g ladyfingers kex
• 2 1⁄2 dl kaffi
• 1 dl dulce de leche
• ber að eigin vali

Hrærið saman í hrærivél mascarponeposti, rjóma, vanillu og flórsykri.

Dýfið einu og einu ladyfingerskexi í kaffið.

Setjið um 2,5 - 3 kexfingrum í botn á glasi. Setjið þar ofan á kremið og matskeið af dulce de leche. Endurtakið og toppið með karamellu og berjum. Kælið.

Höfundur: Erna Sverrisdóttir