Borðstofan er einn mikilvægasti samkomustaður heimilisins þar sem fjölskylda og vinir koma saman yfir mat og drykk. Því er full ástæða til að haga borðstofunni þannig að hún sé aðlaðandi og notaleg að vera í.

Þegar borðstofan er annars vegar er að mörgu að hyggja. Við þurfum að taka mið af borðstofuborðinu, hversu stórt á það að vera og stólarnir eru ekki síður mikilvægir – þeir verða að vera þægilegir að sitja í. Eins hvaða aðra innanstokksmuni við viljum hafa í kring, og hvaða litur á að vera á veggjunum! Það er að mörgu að huga og alls ekki auðvelt að klóra sig fram úr. Borðstofur eru misstórar og það er næstum augljóst að ef þú hefur rýmið, þá er stórt borð alltaf málið. Nú ef borðstofan er í minni kantinum ættirðu kannski að íhuga hringborð sem fylla ekki eins mikið og önnur sem eru ferköntuð.

Hér fyrir neðan höfum við tekið saman nokkrar myndir sem gætu veitt innblástur í borðstofupælingar, hvort sem þú vilt aðeins breyta til eða ert að fara að innrétta alveg frá grunni.