Öll vitum við að kökur eru stór hluti af brúðkaupum og oftar en ekki miðpunkturinn á veisluborðinu. En stundum fara kræsingarnar úr böndunum eins og þessi ungu hjón lentu í nú á dögunum.

Það var Jen Royle, eigandi og yfirkokkur veitingastaðarins Table Boston, sem birti mynd af kökunni á Twitter. Hún kom ekkert nálægt bakstrinum heldur var kakan komin undir hennar hendur í veislunni og fékk gríðarleg viðbrögð á samfélagsmiðlinum. Á kökunni stóð „Enga áletrun takk“ – sem voru skilaboð frá brúðhjónunum er þau pöntuðu kökuna, en þau meintu ekki að textinn ætti að rata á kökuna sjálfa. Jen og blómaskreytir sem var í veislunni reyndu eftir fremsta megni að laga kökuna með því að skreyta hana örlítið meira með blómum og þannig fela textann áður en brúðurin ræki augun í kökuna. Það kom þó hvergi fram hvernig kakan hefði smakkast – en vonandi bragðaðist hún vel, það skiptir höfuðmáli.

Kakan umtalaða - þar sem textinn með yfirskriftinni "Engan texta takk", fékk að fljóta með á kökunni. mbl.is/Twitter

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt