Matur | mbl | 3.4.2021 | 11:02

Páskasnittur í brönsinn

Egg eru ómissandi í brönsinn á páskunum. Mbl.is/voresmad.dk

Margir halda í hefðina og útfæra gúrme páskabröns fyrir sína nánustu, og hér er uppskrift sem á svo sannarlega heima á slíku veisluborði. Eggjabitar sem munu slá í gegn og tekur enga stund að útfæra.

Girnileg mímósa-egg í páskabrönsinn (fyrir 6)

6 egg
1 msk. gróft sinnep
3 msk. mayones
Ferskt dill
½ sítróna
Salt og pipar
24 rækjur
Púrrlaukur
Rúgbrauð ef vill

Aðferð:

Sjóðið eggin í 8-9 mínútur þar til harðsoðin. Kælið í köldu vatni og takið skurnina utan af eggjunum.
Skerið eggin til helminga, takið rauðuna úr og setjið í skál. Leggið eggin (hvítuna) á bakka.
Hrærið sinnepi og majónesi saman við eggjarauðurnar. Saxið dill niður sem samsvarar 3 msk. og setjið út í sinnepsblönduna – og maukið saman með gaffli. Smakkið til með salti og pipar.
Setjið blönduna aftur í eggjahvíturnar.
Toppið með rækjum og söxuðum púrrlauk, og kryddið með pipar og flögusalti.
Berið ef til vill fram með rúgbrauði.

Uppskrift: Voresmad.dk