Kjötbollurnar sem sprengja alla skala
Setja bókamerki
Tengdar fréttir
Uppskriftir
Hér er búið að taka kjötbollurnar á næsta stig og það frábæra er að þær koma tilbúnar í neytendapakkningum – tilbúnar í matinn. Við erum að tala um shawarma-kjötbollur sem bragðast hreint ótrúlega vel og „poppa" upp kvöldmatinn á einstaklega skemmtilegan hátt.
Það er Berglind Hreiðars á Gotteri.is sem á heiðurinn af þessari uppskrift sem hún segir að sé ekta heimagerður götubiti eða street-food þar sem shawarma-bollurnar leika lykilhlutverk.
„Þetta var svo gott að það mun ekki líða á löngu þar til þessi réttur verður eldaður aftur á þessu heimili! Kjötið í bollunum er mjög gott og framandi kryddblandan gefur réttinum indverskan blæ,“ segir Berglind um þennan rétt sem er eiginlega nauðsynlegt að prófa.
Shawarma-bollur í naan
Fyrir um 4 manns
- Naanbrauð (6 lítil stykki)
- 500 g shawarma-kjötbollur frá Norðlenska
- saxað kínakál
- agúrka
- paprika
- rauðlaukur
- kóríander
- ólífuolía til steikingar
- jógúrtsósa (sjá uppskrift að neðan)
Útbúið jógúrtsósuna og geymið í kæli á meðan annað er útbúið.
Hitið ofninn í 180°C.
Brúnið kjötbollurnar upp úr ólífuolíu í nokkrar mínútur og færið þá yfir í eldfast mót og hitið í ofni í 15 mínútur til viðbótar.
Skerið á meðan niður grænmeti og hitið naanbrauðin.
Setjið saman með því að setja smá sósu í brauðið, grænmeti að vild og nokkrar bollur, svo má setja meiri jógúrtsósu yfir allt ásamt kóríander.
Jógúrtsósa
- 300 g grísk jógúrt
- 2 tsk. límónusafi
- 1 msk. saxað kóríander
- 1 rifið hvítlauksrif
- salt og pipar
Pískið allt saman í skál og smakkið til með salti og pipar.
Geymið í kæli fram að notkun.
Tengdar fréttir
Uppskriftir
Deilan enn í hnút eftir tveggja vikna verkföll
Glíma enn við eftirköst E.coli-smits í Efstadal
„Allt í rusli“ við brúargerð á Vestfjörðum
„Skjálftaklessa á milli Grímseyjar og Öxarfjarðar“
Jón „mun ekki koma nálægt meðferð hvalamálsins“
Tré brotnuðu og umferðarskilti lagðist á hliðina
„Einhverjir töfrar sem gerast“
