Seletti er heillandi staður sem tengir hönnun við popplist í ótrúlega skemmtilegum húsbúnaðarvörum sem þú finnur ekki í hvaða verslun sem er.

Fyrirtækið var stofnað árið 1964 í Cicognara á Ítalíu og hefur alla tíð haft það að leiðarljósi að bjóða upp á faglega þjónustu og stöðugt vera vakandi fyrir nýsköpun og frumleika. Fyrirtækið leggur mikla áherslu á hönnun og þá undir áhrifum ítalskrar hönnunar.

Vörurnar frá Seletti eru blanda af list og táknmyndum úr daglegu lífi fólks – og senda óbein skilaboð um lögun og virkni. Nýjustu vörurnar eru skrautlegt matarstell þar sem vörurnar eru eins og samsettar úr tveimur ólíkum hlutum – en vörulínan kallast New Era og fangar athygli við fyrstu sýn. Eitt er víst að notandinn mun upplifa skemmtilegri stundir við matarborðið með þessum líflegu vörum, og fyrir áhugasama má finna Seletti HÉR.