Mögulega er þetta draumaeldhúsið okkar – í það minnsta þar til annað kemur í ljós. Hér er draumur allra sem elska terrazzo í fölbleiku eldhúsi sem vekur eftirtekt. Það er franska arkitektafyrirtækið „Nicolas Mohoric Architecte“ sem á heiðurinn af þessu fagra eldhúsverki sem má finna í nýuppgerðu húsi frá árinu 1900. Eldhúsið stendur þar sem áður var borðstofa – en húsið fékk allsherjar yfirhalningu á skipulagi og innréttingum.

Hér má sjá mismunandi litbrigði bleika marmarans vega upp á móti hráu yfirbragði terrazzósins og skapa þannig nútímalegt eldhús með léttu andrúmslofti. Eyjan í eldhúsinu uppfyllir einnig tvöfalda virkni, sem borðplata og eldhúsborð fyrir allt að sex manns. Eins er geymsluveggur fyrir rafmagnstæki, hellluborð sem fellur inn í innréttinguna og gyllt blöndunartæki. Er hægt að biðja um eitthvað meira? Þeir sem vilja kynna sér verk arkitektanna betur geta skoðað nánar HÉR.

- - -

Fylgstu með Mat­ar­vefn­um á In­sta­gram. Enda­laus æv­in­týri, hug­mynd­ir, skemmti­leg­ir leik­ir og allt það heit­asta heita ...

Svo megið þið endi­lega tagga okk­ur á In­sta­gram þegar þið eruð að elda eitt­hvað spenn­andi @mat­ur.a.mbl