Matur | mbl | 10.8.2021 | 11:03

Kjúklingalundir með trylltu kartöflusalati

Unaðslegur kjúklingaréttur í boði Hildar Rutar. Mbl.is/Hildur Rut Ingimarsdóttir

Góðir kjúklingaréttir eru ómissandi í það minnsta einu sinni í viku. Þeir eru líka oftar en ekki uppáhald allra í fjölskyldunni, og þessi réttur mun engan svíkja. Uppskriftin er frá Hildi Rut sem segir að útbúa megi salatið og kryddlöginn kvöldið áður til að spara tíma.

Kjúklingalundir með trylltu kartöflusalati

500-600 g kjúklingalundir
1 msk. Maille-sinnep
1 msk. ólífuolía
safi úr ½ sítrónu
1 ½ estragon
1-2 hvítlauksrif, pressuð eða rifin
½ tsk. salt
¼ tsk. pipar

Kartöflusalat

600 g kartöflur
1 dl majónes
½ dl sýrður rjómi
safi úr ca ½ sítrónu
2 msk. Maille-dijonsinnep
3 msk. blaðlaukur, smátt skorinn
½ dl fersk steinselja
½ dl ferskur kóríander
½ tsk. laukduft
½ tsk. hvítlauksduft
salt & pipar eftir smekk

Aðferð:

Blandið saman sinnepi, ólífuolíu, sítrónusafa, estragoni, hvítlauksrifjum, salti og pipar í stóra skál.
Snyrtið kjúklinginn og blandið honum vel saman við kryddlöginn. Leyfið honum að standa í a.m.k. klukkustund.
Sjóðið kartöflur. Skrælið þær og skerið í bita. Ég keypti forsoðnar kartöflur sem er líka sniðugt.
Blandið saman majónesi, sýrðum rjóma, sítrónusafa, sinnepi, blaðlauk, steinselju, kóríander og kryddi í stóra skál.
Hellið kartöflunum út í og hrærið varlega saman.
Grillið kjúklinginn. Berið fram með kartöflusalatinu og njótið. Einnig gott að bera þetta fram með fersku salati eða öðru grænmeti sem ykkur finnst gott.