Góður nætursvefn er ómetanlegur, og eflaust eitt af því sem margir kvarta yfir að fá ekki nóg af í viku hverri. Hér eru nokkur atriði sem hjálpa til við góðan nætursvefn.

• Reynið að halda í ákveðna svefnrútínu með því að fara á fætur og að sofa á sama tíma, dag hvern. Þannig venst líkaminn rútínunni og á auðveldara með að falla í ró.
• Drekkið ekki te, kaffi eða aðra drykki er innibalda koffín fyrir svefninn. Passið líka upp á sætindin, því sykurinn fær blóðsykurinn til að rísa og trufla svefninn.
• Ekki vera feimin við að nota mikið af textil í svefnherberginu í rúmgafli, sængurverum, púðum og rúmteppi. Það gefur mikla hlýju og notalega stemningu, svo þig langar til að skríða upp í rúm og fara sofa.
• Passið hitastigið í svefnherberginu – of mikill hiti getur verið truflandi fyrir líkamann. Talað er um að 13-18 gráður séu passlegur hiti í svefnrými, og ávallt sé gott að fá smá ferskt loft inn í herbergið. Loftið því vel út á hverjum degi.
• Pör geta átt í erfiðleikum með svefn ef annar byltir sér of mikið á nóttunni. Stundum er gott að velja tvær dýnur í staðinn fyrir eina upp á þetta að gera. Það má síðan bæta við yfirdýnu sem nær þvert yfir rúmið, svo enginn sé að „detta á milli“.
• Dökkmálaðir veggir geta haft róandi áhrif, en passaðu samt að blanda saman ljósum tónum í textíl eða húsmunum. Þú vilt ekki sofa í algjörum helli.

Mbl.is/Georg Jensen

• Slökktu á öllum rafmagnstækjum – síma, sjónvarpi, ipad eða öðru sem truflar svefninn. Þetta er gefin regla.
• Ekki drekka neitt rétt áður en þú stingur þér með tærnar undir sængina, þá er meiri hætta á að vakna yfir nóttina til að pissa og raska þannig svefninn.
• Heitt bað fyrir háttinn gæti verið góð regla.
• Líkamsrækt yfir daginn er mikilvæg fyrir nætursvefn, en æfingar rétt fyrir svefninn fá líkamshitann til að rísa og getur valdið erfiðleikum með að sofna.
• Gott ráð til að loka birtuna út úr rýminu, er að nota gólfsíðar gardínur. Þar fyrir utan gefa síðar gardínur þessa ekta hótelstemningu í herbergið.

Ekki er ráðlagt að drekka koffíndrykki fyrir háttatímann. Mbl.is/Georg Jensen

Tengdar fréttir

Húsráð

Ráð fyrir ferskustu handklæðin

• Svona þrífur maður hvíta skó
• Þess vegna ættir þú að borða papaja daglega
• Svona geymast eggjahvítur og eggjarauður best
• Matvæli sem róa magann

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt