Ef marka má nýjustu fregnir frá systrunum Grene, þá er ný vörulína á leiðinni í verslanir sem vekur athygli.

Nýjungarnar kallast „Hjemlig Harmoni“ og eru vörur til heimilisins á verði sem allir ættu að ráða við. Við sjáum mikið af lituðum glervörum, hlýlegum ullarteppum og einkar litríkum veggspjöldum sem mörg hver innihalda eitthvað matarkyns. Eins er heill hellingur af nýjum vörum í eldhúsið, en þar ber hæst að nefna matarstell í ljósri keramík – sem og olíuflösku úr riffluðu gleri svo eitthvað sé nefnt. Við leyfum myndunum að tala sínu máli hér fyrir neðan.