Hvað ætli finnist margar aðferðir við að pússa viðarbretti? Væri forvitnilegt að vita, því við höfum nefnt nokkrar aðferðir hér á matarvefnum og þessi hér er alveg ný.

Við höfum áður skrifað um sítrónur, olíur, natron, edik og grófa svampa – en þessi aðferð kemur á óvart. Hér er mælst með að nota þroskaðan banana sem er orðinn smá mjúkur í sér og kreista yfir brettið. Því næst dreifa vel úr honum og nudda inní brettið með hreinum mjúkum klút. Viðurinn fær næringu og verður glansandi á eftir – og brettið eins og nýtt.