Mexíkósúpa á kortéri

Fyrir 4-6

Súpa uppskrift

• 2 pakkar Meksikansk Tomatsuppe frá Toro
• Um 500 g grillað kjúklingalærakjöt
• 1 rauð paprika
• 1/3 blaðlaukur
• 1.300 ml vatn
• 500 ml matreiðslurjómi
• 200 g rjómaostur
• ólífuolía til steikingar
• salt, pipar, hvítlauksduft

1. Skerið papriku og lauk. Steikið upp úr ólífuolíu við meðalhita þar til grænmetið mýkist, kryddið eftir smekk.
2. Hellið þá vatni og matreiðslurjóma í pottinn og hrærið súpuduftinu saman við. Náið upp hitanum og lækkið síðan vel niður og blandið rjómaostinum saman við. Leyfið að malla stutta stund og hrærið reglulega í súpunni á meðan.
3. Skerið að lokum niður tilbúið kjúklingakjötið, setjið í pottinn og leyfið því að hitna í gegn.
4. Toppið með neðangreindu eftir smekk.

Toppur ofan á súpu

• Sýrður rjómi
• Rifinn ostur
• Muldar nachosflögur
• Kóríander