Hver kannast ekki við að vera með hálfkláraða dós eða krukku af súkkulaðiáleggi, eins og Nutella, og ná ekki restinni upp úr? Þá er þetta eina sanna lausnin til að nýta restarnar sem þú nærð aldrei að skafa í burtu.

Í stað þess að hamast með hníf eða skeið til að ná öllum mögulegum restum af súkkulaðinu góða sem liggur í krukkunni skaltu prófa þetta hér næst. Finndu fram rjóma og helltu ofan í krukkuna – hristu síðan vandlega og settu í kæli í að minnsta kosti tvo tíma. Taktu út, og þú ert kominn með hinn fullkomna heimatilbúna súkkulaðiís.