Mexíkóskur brauðréttur

Uppskrift:

• 12 brauðsneiðar (fínt brauð)
• 4 skinkusneiðar
• 25 pepperóní
• 4 meðalstórir sveppir
• 1/2 rauð paprika
• 1/2 blaðlaukur
• 1/2 krukka sólþurrkaðir tómatar (um 150 g)
• 1/2 poki appelsínugult Doritos
• 2 stk. Mexíkóostar
• 500 ml rjómi
• 200 g rifinn ostur

Aðferð:

1. Skerið skorpuna af brauðsneiðunum og skerið hverja brauðsneið í 16 bita.
2. Skerið skinku, pepperóní, sveppi, papriku, blaðlauk og sólþurrkaða tómata smátt.
3. Raðið brauðbitum, skinku, pepperóní, sveppum, papriku, blaðlauk og sólþurrkuðum tómötum í tvö eldföst mót og brytjið Doritos smátt yfir.
4. Rífið niður Mexíkóostinn og setjið í pott ásamt rjómanum og bræðið saman.
5. Hellið osta- og rjómablöndunni yfir hráefnin í eldföstumótunum.
6. Stráið svo rifnum osti yfir.
7. Bakið í 15-20 mínútur (eða þar til osturinn er orðin gullinbrúnn) við 200°C.