Aðalleikarinn í vinsælu Netflix-þáttaröðunum „YOU“, Penn Badgley, fékk óvenju skemmtilega köku frá konunni sinni á afmælisdaginn.

Penn varð 35 ára nú á dögunum og hans ástkæra eiginkona lét útbúa fyrir hann köku sem myndaði tölustafina 3 og 5. Stafirnir voru skreyttir granateplakjörnum, makkarónum, blómum og ýmsum ávöxtum. Það sem vakti þó mestu athyglina voru ætar kökumyndir af Penn í hlutverki sínu sem raðmorðinginn Joe – þráhyggjufullur, og situr ofan á makkarónum.

Eiginkona hans birti myndir af kökunni á Instagram, þar sem hún segist vera hæstánægð að borða andlitið á manninum sínum.